Özüne mahsus matasy bilen dünýä meşhur “Burberry” markasyny döreden Thomas Burberry 1835-nji ýylda dünýä inýär.
Thomas Burberry 21 ýaşynda, 1856-njy ýylda Angliýada kompaniýanyň eýesi bolýar. Birnäçe wagtdan soňra egin-eşik tikmek pikirine düşüp, bu pikirini ýola goýmak üçin dürli-dürli matalary ulanyp görýär, emma hiç biri göwnünden turmaýar. Ol ahyry öz matasyny özi döretmeli diýip karara gelýär we az wagtdan soňra 1881-nji ýylda gabardin matasyny öndürip başlaýar. Suwa çydamly , howa geçirýän bu mata Burberrynyň durmuşyny üýtgedýär. Ol soňra markanyň logosyny hem döredýär.
1914-nji ýylda Angliýada uruşda ulanylýan paltolary dizaýn edýär, soňra ol çyzgy bütin Angliýada moda bolýar.
Thomas Burberry 1926-njy ýylda aradan çykýar. Ol öz öndüren matasy bilen egin-eşik taýýarlan iň iri kompaniýanyň eýesidir.
Häzirki wagtda Burberry merkez hökmünde Hong Kong we Hytaýy hasap etse-de, onuň esasy merkezi Angliýada ilkinji hekaýasynyň dörän ýerinde dur.