Mälim bolşy ýaly, dünýäde koronawirus pandemiýasyndan soňra maýmyn mama keseli hem ýaýrady. Bu wirus köpräk Bütindünýä Saglygy Goraýyş Guramasynyň Ýewropa sebitinde ýaýrady. Şonuň üçin BSGG-niň Ýewropa sebiti bu wirusyň ýaýramagynyň öňüni almak maksady bilen sebitdäki ýurtlara goldaw bermek babatda degişli işleri geçirýär.
BSGG-niň Ýewropa býurosy bu keseli anyklamak üçin 18 ýurduň sarp ediş ätiýaçlyklaryny kanagatlandyrmak babatda çözgüt kabul edildi. Şol ýurtlaryň hataryna Merkezi Aziýanyň 5 ýurdy – Gazagystan, Gyrgyzystan, Özbegistan, Türkmenistan we Täjigistan hem girdi. Şeýle hem ýene-de 13 ýurda, şol sanda Albaniýa , Ermenistan, Azerbaýjan, Belarus, Bosniýa we Gersegowina, Gruziýa, Kosowa, Çernogoriýa, Demirgazyk Makedoniýa, Moldowa, Serbiýa, Türkiýe we Ukraina kömek bermek göz öňünde tutuldy.
BSGG-niň Ýewropa sebitiniň habar bermegine görä, bu ýurtlara 1,2 million dollar möçberinde sarp ediş materiallary iberildi. Bu materaillar maýmyn mama keseline garşy göreşde saglygy goraýyş ulgamyny pugtalandyrmaga ýardam etdi.
Germaniýanyň “TIB Molbiol” biotehnologiýa kompaniýasy bilen hyzmatdaşlykda 57 müň PSR-synag serişdeleri ýokarda agzalanan ýurtlara iberildi. Bu serişdeler arkaly 5000 nusgany synagdan geçirmek mümkinçiligi bar.
Şeýle hem öz ýerlerinde lukmanlar synag ulgamlaryny dogry ulanmak boýunça okuw maksatnamasyndan geçýärler.
2022-nji ýylyň maý aýynda BSGG guramasy bu wirusyň ýaýramagy bilen baglylykda, oňa garşy göreşi güýçlendirdi.