Germaniýanyň “Bundesliga” çempionatynda çykyş edýän “Borussiýa Dortmund” Ispaniýanyň “Real Madrid” toparyndan braziliýaly ýaş oýunçy Reýnir Hesus Karwalýuny kireýine aldy.
“Borussiýa Dortmund” topary 18 ýaşyndaky oýunçyny 2 ýyllyk öz toparyna goşandygyny mälim etdi. Öz kariýerasyna “Flamengo” toparynda başlan Reýnir şu ýyl 30 million ýewro bilen “Real Madrid” toparyna transfer edildi. Reýnir geçen möwsümde “Real Madridiň” “B” topary bilen meýdança çykdy. Ol geçen möwsümde 3 oýun oýnap, 2 gol derwezä salmagy başardy.