Indoneziýanyň Din işleri boýunça ministrligi koronowirus pandemiýasy sebäpli ýurduň raýatlarynyň bu ýyl Haj zyýaratyny amala aşyrmajakdygyny habar berdi.
Bu barada ministr Ýokut Çolil Kumasyň beýanatynda hem şeýle diýilýär:
«Pandemiýa sebäpli we raýatlarymyzyň howpsuzlygyny nazarda tutup, Hökümet bu ýyl inzoneziýalylaryň Haj zyýaratyny barmazlygyny makul bildi».
Ministriň aýtmagyna görä, şu ýylky zyýarat üçin töleg geçirip goýanlaryň islegi indiki ýyl kanagatlandyrylar.
Ýeri gelende aýtsak, Saud Arabystany heniz şu ýyl üçin Haj kwotasyny yglan edenok. Pandemiýadan ozal ýurda her ýyl 2,5 million zyýaratçy gelýärdi. Resmi maglumatlara görä, her ýyl Haj möwsümi ýurda ABŞ-nyň 12 milliard dollary möçberinde girdeji getirýär.