Belarus Respublikasynyň «Belawiýa» kompaniýasy Aşgabada uçar gatnawlaryny togtatmagyň möhletini 1-nji noýabra çenli uzaltdy.
«Sputnik» neşiriniň ýazmagyna görä, kompaniýa diňe Aşgabada däl, dünýäniň beýleki käbir şäherlerine ozal bellenilen möhletleriň uzaldylýandygyny habar berdi. Türkmen paýtagtyndan başga-da, Belarus howa ýollary Budapeşt, Riga, Tallinn, Larnaka, Woronež, Kazan, Nižniý Nowgorod (24-nji oktýabr aralygynda), Gruziýanyň ähli şäherlerine (31-nji oktýabr aralygynda) uçuşlary wagtlaýyn amala aşyrmaz.
Häzir kompaniýa Moldowa, Albaniýa, Ukraina, Türkiýe ýaly döwletlere halkara uçuşlary amala aşyrýar. Ýeri gelende aýtsak, «Belawiýa» Minsk — Aşgabat — Minsk halkara gatnawyny hepdede bir gezek guraýardy.
Ýaşlarymyzyň iň köp okaýan habarlarynyň arasyndan sport habarlary uly meşhurlyga eýedir. Ýaşlar bu sahypa Siziň üçin!
