Ispaniýanyň «Barselona» topary tomusky transfer möwsüminde 8 futbolçysynyň tekliplerine seretmegi göz öňünde tutýar. Topar 8 futbolçysy bilen hoşlaşmagy meýilleşdirip, täze oýunçylar bilen toparyň düzümini güýçlendirmekçi bolýar.
Iwan Rakitiç, Arturo Widal, Samuel Umtiti, Martin Breýtueýt, Filippe Koutinio, Hunior Firpo, Antuan Grizmann we Neto ýaly futbolçylar “Kamp Nou” bilen hoşlaşyp biler.
Futbol möwsümi tamamlanandan soňra topar 2 ýa-da 5 sany täze futbolçy bilen hüjümini we goragyny güýçlendirmegi maksat edinýär.
Dünýädäki çylşyrymly döwür toparyň maliýe mümkinçiliklerine täsirini ýetirip biler. Şonuň üçin topar düzümindäki futbolçylary satmagy ýa-da başga futbolçylar bilen çalyşmagy mümkin.