JEMGYÝET

Bagyşla diýmäge derek

Yşk ýüpüni üzäýjekmi,

Ýürekden söýmäge derek?

Aýralyga dözäýjekmi,

«Bagyşla» diýmäge derek?

 

Ejiz başym salyp gowga,

Uçup gidäýjekmi gaýra?!

Meňzeýip güýzdäki durna,

Ýazlara uýmaga derek.

 

Eýläp bagrym dilim-dilim,

Soldurjakmy söýgi gülün?!

Gazaply aňzak gyş deýin,

Gün kimin çoýmaga derek.

 

Ýakyp ýörjekmi sen oda,

Yşkda-da bar  ahyr kada,

Öwrüljekmi ýedi ýada,

Ýakynyň saýmaga derek?!

 

Seret, ýalňyzlykda galdym,

Şygrymda bezärdim adyň,

Aldyň ylhamymyň badyn,

Setirim ýaýmaga derek!

 

Ökünersiň aýrylanňa,

Gideniňe gaýralygna,

Gol berenňe aýralyga,

Daşymda gaýmaga derek!

Altyngözel Amanmämmedowa,

Türkmen döwlet medeniýet institutynyň syýahatçylyk fakultetiniň 2-nji ýyl talyby.

 

 

 

 

Ýene-de okaň

Türkmenistan bilen Ruandanyň daşary işler ministrleriniň telefon söhbetdeşligi

Ata Watan Eserleri

Türkmenistan bilen Ruandanyň arasynda diplomatik gatnaşyklar ýola goýuldy

Talyp-2025: dalaşgärleriň resmi iş kagyzlary kabul edilýän ýerleri

Türkmenistanyň Prezidenti Fransiýa Respublikasynyň Prezidentini gutlady

“Çelşi” topary klublar boýunça dünýä çempiony boldy

Ata Watan Eserleri

Awazadaky BMG-niň forumy 7 sany esasy ugurda geçiriler