Eýran bilen Russiýa Azerbaýjan bilen Eýranyň serhetleşýän Parsabad şäherinden ýurduň Pars aýlagynyň kenaryndaky Bender-Abbas portuna çenli demirýol gurluşygy boýunça gepleşikler geçirýär.
Bu barada Eýranyň Moskwadaky ilçisi Kazem Jalali habar berdi. Onuň bellemegine görä, rus tarapy Reşt-Astara demirýol liniýasy bilen bir hatarda Parsabad-Bender-Abbas demirýol gurluşygyna maýa goýmagy maksat edinýär.
Eýranyň Prezidenti Masud Pezeşkian öz ýurdunyň Moskwadaky ilçisi bilen duşuşdy. Bu duşuşykda Pezeşkian ýurduň demirýol torunyň demirgazykdan günorta tarap giňeldilmeginiň ähmiýetiniň uludygyny belläp, munuň Russiýanyň hem-de Eýranyň ykdysady zerurlyklaryny üpjün edip biljekdigini belledi.