Şu gün Günorta gaz geçelgesiniň konsultatiw geňeşiniň mejlisiniň çäklerinde Azerbaýjanyň döwlet nebit kompaniýasy (SOCAR) bilen Rumyniýanyň “Romgaz S.A” kompaniýasynyň arasynda şertnama gol çekildi. Şol şertnama laýyklykda, 2023-2024-nji ýyllarda Azerbaýjan Rumyniýa 1 milliard kubmetre çenli tebigy gaz iberer.
Bu şertnama SOCAR bilen “Romgaz” kompaniýaysnyň arasynda 2022-nji ýylyň 16-njy dekabrynda gol çekilen resminamanyň dowamy bolup durýar.
– Iki ýurduň arasynda energiýa pudagynda gatnaşyklar üçin hukuk binýadynyň emele gelmegini üpjün edýän resminamalar Azerbaýjanyň gaz eksportynyň geografiýasyny giňelder, ýurtlaryň arasyndaky hyzmatdaşlygy mundan beýläk-de pugtalandyrmaga, şeýle hem Ýewropanyň energiýa howpsuzlygyny üpjün etmäge möhüm goşant goşar- diýlip, SOCAR-yň beýanatynda bellenilip geçilýär.
Belläp geçsek, şu ýylyň ýanwar aýynda Azerbaýjan Rumyniýa goşmaça möçberde tebigy gaz iberip başlady.
Soňky ýyllarda Azerbaýjan tebigy gaz eksportuny yzygiderli artdyrýar. 2021-nji ýylda bu görkeziji 19 milliard kubmetre deň bolan bolsa, 2022-nji ýylda 22,6 milliard kubmetre barabar boldy, 2023-nji ýylda 24,5 milliard kubmetre ýetiriler.