Aýda ilkinji awtoulag ýaryşy 2021-nji ýylda geçiriler. Amerikaly mekdep okuwçylary we meşhur awtoulag dizaýneri, “BMW”, “Mini”, “Ferrari”, “Maserati”, “Fiat”, “Lancia”, “Alfa Romeo” we “McLaren” ýaly brendler bilen işleşen Frank Stiwenson bu ýaryş üçin awtoulag işläp düzerler.
Geljek ýylyň güýzünde, ýagny oktýabr aýynda Aýda ilkinji awtoulag ýaryşy geçirilip bilner. Bu hyýal däl. Şeýle meýilnamalara amerikaly işewür Ilon Mask hem gyzyklanma bildirýär.
Ilon Maskyň ýolbaşçylyk edýän “SpaceX” kompaniýasy Aýda ýaryşjak iki awtoulagy Aýa çykarar. Aýda ýaryşjak awtoulaglar üçin ýaryş meýdançasy we tehniki parametrler eýýäm kesgitlenildi: ulagyň agramy iki ýarym kilogramdan geçmeli däl; tizligi bolsa sagatda on santimetre deň bolar.
Asman jisimleri görnüşindäki ulaglar uzakdan dolandyrylar. Olaryň ýaryşyny ýörite kameralar arkaly ýaýlyma bermek göz öňünde tutulýar.
Ýaryşa iki ulag gatnaşar. Ol hem ABŞ-nyň mekdep okuwçylarynyň arasynda geçiriljek “Moon Marks Mission 1” bäsleşiginde ýeňiji bolan 2 topar tarapyndan taýýarlanar.
“Ýyldyzlar näme diýýär” –eger bu soragyň jogaby Sizi gyzyklandyrýan bolsa onda bu sahypamyzy yzygiderli yzarlaň!
