«Aşgabat şäher telefon ulgamy» ýapyk görnüşli paýdarlar jemgyýeti aragatnaşyk hyzmatlary üçin ýörite PIN-belgini ulanmazdan tölegleri oňaýly hem-de howpsuz geçirmäge mümkinçilik berýän «eKassa» mobil goşundysyny ulanyşa girizdi.
«eKassa» mobil goşundysy, bu www.astu.tm web sahypasyndaky «Şahsy otag» multiplatformanyň ýeňilleşdirilen görnüşi bolmak bilen, mundan öň AŞTU-nyň hyzmatlary üçin ulanyjylara öz identifikasion belgisini bilmek gerek bolan bolsa, indi onuň zerurlygy ýok bolup durýar – «e-Kassa» goşundysynda hasaba alnan mahalyň diňe ykjam telefonyň belgisini görkezmek ýeterlikdir.
Täze goşundynyň döwrebap hem-de özboluşly düşnükli interfeýsi bar. Oňa ulanyjylar öz bank kartlaryny ýeňillik bilen birikdirip, telefon, internet we IPTV hyzmatlarynyň töleglerini dolandyryp bilerler.
Şunlukda, AŞTU-nyň «eKassa» goşundysy – bu aragatnaşyk hymatlaryna töleg etmegiň oňaýly we howpsuz usuly bolýar. Goşundy müşderiler üçin niýetlenen onlaýn hyzmatlaryň iň häzirki zaman standartlaryna laýyk gelýär. Mobil goşundyny Google Play hem-de App Store internet dükanlaryndan ýükläp alyp bilersiňiz.