Türkmenistanyň paýtagty Aşgabatda ikinji klimat we ekologiýa festiwaly geçiriler. “Geliň, Ýer şaryny bilelikde goralyň!” şygary bilen bu festiwal bilelikdäki türkmen-türk mekdebinde guralar.
15-nji oktýabrda geçiriljek bu çäre Beýik Britaniýanyň hem-de Türkiýäniň Türkmenistandaky ilçihanalarynyň bilelikde gurnamagynda guralar.
Beýik Britaniýanyň hem-de Türkiýäniň Türkmenistandaky ilçihanalaryna bu festiwaly gurnamaga ýaş ekologlar, bilelikdäki türkmen-türk mekdebi hem-de eko-blogger Gülnara Taýjanowa ýakyndan ýardam berýär.
Festiwal hemmeler üçin açykdyr. Onuň çäginde geçiriljek dürli medeni çäreler, filmleriň görkezilişi, surat sergisi we köp sanly gyzykly maksatnamalar howanyň üýtgemegine garşy göreşmek üçin höweslendirmäge gönükdirilendir.