“Türkmenistan” awiakompaniýasy 2023-nji ýylyň 28-njı martyndan Aşgabat-Almaty-Aşgabat ugry boýunça adaty uçar gatnawlaryny ýola goýup başlar. Bu ugur boýunça biletleriň satuwy “Türkmenistan” awiakompaniýasynyň Russiýadaky wekilhanasynyň resmi saýtynda ýerleşdirilipdir. Bu barada Turkmenportal neşiri habar berýär. Bellemeli zat, “Türkmenistan” awiakompaniýasynyň sorag-jogap gullugy bu barada özlerinde maglumat ýokdygyny beýan edýär.
Şol tertipnamada görkezilişi ýaly, Aşgabatdan Gazagystanyň Almaty şäherine mart aýynyň ahyrynda bilet satyn almak bolar. Biletiň bahasy 27633 rubl görnüşinde berlipdir.
Bu ugur boýunça uçar gatnawlaryny hepdede 2 gezek – sişenbe we penşenbe günleri amala aşyrmak göz öňünde tutulýar.
Aşgabatdan sişenbe güni 22:30-da uçan uçar Gazagystana gije 02:00-da barar. Perşenbe günleri bolsa, Aşgabatdan 09:05-de uçan uçar Almaty şäherine 12:35-de barar.
2020-nji ýylyň martynda pandemiýa sebäpli girizilen çäklendirmeler sebäpli Türkmenistandan Gazagystandan ugry boýunça gatnawlar togtadylypdy.
Kem-kemden halkara ugurlar boýunça adaty gatnawlary ýola goýup başlan “Türkmenistan” awiakompaniýasy ilkinjileriň hatarynda Dubaýa, Kazana, Moskowa, Stambula we Frankfurta gatnawlary ýola goýdy.
Ozal hem habar berşimiz ýaly, mart aýynyň ahyryndan Hytaýyň Pekin şäherine, Beýik Britaniýanyň London şäherine hem-de Hindistanyň Deli şäherlerine gatnawlaryň ýola goýulmagy meýilleşdirildi.
Halkara okuw resminamalaryň terjime hyzmaty : Makul Terjime
Türkiýede bilim almak isleýän talyplaryň resminamalaryň dogry we takyk terjime edilmegi wajyp bolup durýar. Şu maksat bilen Türkiýede we dünýäniň dürli künjeginde bilim almak isleýän talyplar halkara okuw resminamalaryň terjimesi ulgamynda ýöriteleşen “Makul Hyzmat” Terjime Merkeziniň Aşgabat şäherindäki merkezlerine ýüz tutup bilerler.
“Makul Hyzmat” Terjime Merkezi
Aşgabat, Oguzhan (Aýtakow)-Ankara (Ýubileýni) köçesi, A Blok,
Makul Hyzmat Ofis, 4. gat, 401
Tel: +993 63 78 96 73 / + 993 12 96 48 55
Elektron poçta salgysy: makulhyzmat@gmail.com
