Arkadag şäheri –ylham gözbaşy

Arkadag şäheri –ylham gözbaşy

Arkadag şäheri –ylham gözbaşy

Arkadagyň yhlasyndan kemal tapan mermer şäher ,

Rowaçlyklaň şuglasyndan nura dolýar saba-säher .

Kämilligiň nusgasydyr ,zemin üzre jennet mysal ,

Ak binalar hatar-hatar , ak arzuwlar tapdy wysal .

Daň şemaly , Günüň nury , buşlar ýurda ösüşleri ,

Arkadagly Serdar bilen gazanylýan ýeňişleri .

Göge galýar şatlyk ,gülki –bagtlylygyň nyşanasy ,

Şanly taryh içre bu gün  naýbaşylaň dürdänesi .

Älem ýüzne boldy beýan , ak mermer-akylly şäher ,

Halkym buýsanýar ýurduna , göwünlerde baky bahar!

Erkinlik bar , erjellik bar , öňe ädimler ätmäge ,

Rahatlyk bar göwünlerde , päk niýetlere ýetmäge .

Ine ,seret , okuw jaýlar , Arkadagym berdi gurup ,

Ylym gözlän ýaşlar üçin ,garaşýar gujagyn gerip .

Lowurdaýan mermer şäher , dilde dessan boldy bu gün,

Hak nazary düşen ükläm ,dünýä aýan boldy bu gün .

Arkadagly Serdar bilen , günler rowaç , ýollar rowan ,

Myhmanlara gapy açyk ,mirasym dowamat dowam .

Görkli şährim , özüň bilen galkyndyrdyň taryhymy ,

Öz döwründe yz galdyran gahrymanlaň tarypyny .

Zehininden haýran goýan Sahy Jepbar ,Aba Anna ,

Batyrlykda nusga bolan Görogly beg , Azady dana ,

Adyn göterýän binalar  ,görklenip dur hatar-hatar ,

Şany hem abraýy bilen  ,çawy giň äleme ýeter ,

Yklymda tanaldy bu gün ,Arkadag –akylly şäher!

                              Bagtygül Ernazarowa

                                Lebap welaýatynyň Darganata etrabynyň

                                     ýaşaýjysy