ARKADAG ŞÄHERI – YLHAM GÖZBAŞY
Arkadag şäheri – Bagtyň şäheri
Ene Ýere gülýakadyr, keşdedir,
Arkadag şäheri – Bagtyñ şäheri.
Bagty çüwen türkmen bagty keşt eder:
Arkadag şäheri – Bagtyñ şäheri.
Munda bir-birege dogan, aşnadyr,
Agzybir halk, kalpda Watan yşgydyr.
Saza girip aýdym bolan goşgudyr:
Arkadag şäheri – Bagtyñ şäheri.
Geçmişden, geljekden sünnä örülen,
Dünýe içre özi dünýä öwrülen.
Hak ýalkasa halkyň bagty gör neneň:
Arkadag şäheri – Bagtyñ şäheri.
Sanly bilim – tehnologiýa zolagy,
Kiberhowpsuzlygy, üpjün goragy.
Külterleýäs ösüşiň ak ýoluny:
Arkadag şäheri – bagtyň şäheri.
Arzuwlaryň hasyl bolýan ülkesi,
Bezär goýnun çagalaryň gülküsi.
Gadymy Ahalyň täze ülňüsi:
Arkadag şäheri – Bagtyñ şäheri.
Bedewleriň ganat kibi toýnagy,
Bezär bagşy, ozanlary toýlary.
Jennedi küýsemez mollatorgaýy:
Arkadag şäheri – Bagtyñ şäheri.
Medeniýet, sungat gül açýar munda,
Ylym-bilim bagty gulaçlar munda,
Toýumyz toýlara ulaşýar munda:
Arkadag şäheri – Bagtyñ şäheri.
Munda Arkadagyň halka yşky bar,
Asly nurdan halkyň ýalkanyşy bar.
Bak, täze eýýamyň Galkynyşy bar:
Arkadag şäheri – Bagtyñ şäheri.
“Arkadag Serdarly bagtyýar ýaşlar” –
Ynamdan, ylhamly kalbymyz joşýar.
Bagtly nesil bagtly geljegi buşlar:
Arkadag şäheri – Bagtyñ şäheri.
Süleýman HAÝDAROW,
Türkmen döwlet medeniýet institutynyň talyby.