“Arkadag” toparynyň futbolçylary möwsümiň dowamynda üçünji baýragyny gazandylar. “Arkadag” topary ýurdumyzyň “Ýokary ligasyndaky” çempionlygynyň, Naýbaşy Kubogynyň üstüni ýurdumyzyň Kubogy bilen ýetirdiler. Arkadag şäheriniň adybir topary final oýnunda “Ahal” toparyny 2:1 hasabynda ýeňlişe sezewar etdi.
2023-nji ýylyň başynda döredilen “Arkadag” toparynyň Kubok bäsleşiginde bassyr üçünji ýyl ýeňiş gazanandygyny bellemek gerek. Ýeri gelende bellesek, geçen iki möwsümde hem Kubok bäsleşiginiň finalynda hut şu iki topar duşuşypdylar.
Geçirilen final duşuşygynyň yzysüresi baýrak Kubok bäsleşigine gatanşyjylar bilen bagly gowşurylyş dabarasy geçirildi. Şeýle-de, ýurdumyzyň futbol çempionatyny birinji orunda tamamlan “Arkadag” toparynyň gazanan ýeňşi bilen bagly medallar gowşuryldy. Ýeňijilere baýraklary Türkmenistanyňn Futbol federasiýasynyň Başlygy Guwancmuhammet Öwekow, TFF-niň başlygynyň orunbasary Nazar Çöliýew hem-de Türkmenistanyň Bedenterbiýe we sport baradaky döwlet komitetiniň wekili Juma Jumaýew gowşurdylar.
Kubok bäsleşiginiň final duşuşygy:
“Arkadag” – “Ahal” – 2:1
Gollar: 67 (11 m.j.u.), 77 Şamämmet Hydyrow (“Arkadag”) – 24 Ýakupmuhammet Gowşudow (“Ahal”)
Duýduryşlar: 60 Arzuwguly Sapargulyýew (“Arkadag”) – 40 Magtymberdi Berenow (“Ahal”)
Meýdandan çykarylan: 66 Salim Umarow (“Ahal”)
Geçirilen ýeri: “Arkadag” stadiony (Arkadag ş.)
Duşuşygyň emini: Berdimämmet Atdyýew (Arkadag ş.)
Kömekçi eminler: Ihlas Kurambaýew (Daşoguz ş.), Ýusup Jumamyradow (Aşgabat ş.)
Ätiýaçdaky emin: Eziz Ýazmyradow (Aşgabat ş.)
Gözegçi emin: Begenç Allaberdiýew (Aşgabat ş.)
Duşuşygyň komissary: Ýeňiş Nazzyýew (Mary ş.)