26-njy iýulda Angliýanyň futbol çempionatynyň 2019/2020 möwsümi tamamlandy. “Premýer liganyň” toparlary bu möwsümde 38 duşuşyk geçirildi.
“Liwerpul” 30 ýyldan soňra çempionatda 99 utuk toplap, Angliýanyň çempiony boldy. “Mançester Siti” ondan 18 utuk yzda galyp ikinji oruny eýeledi. “Mançester Ýunaýted” bilen “Çelsi” hersi 66 utuk toplap, üçünji we dördünji orny eýelediler. Ilkinji 4 orny eýelän toparlar UEFA Çempionlar ligasynyň toparlaýyn duşuşygyna gönüden-göni gatnaşmaga hukuk gazandy.
“Lester Siti” (62 utuk) bilen bäşinji, “Tottenham Hotspur” (59 utuk) altynjy orunda ýerleşdiler. Iki topar hem Ýewropa ligasynda oýnar: “Lester” toparçada öňe saýlandy, “Tottenhem” ýaryşy saýlama ýaryşynda başlar.
Eger-de“Arsenal” Angliýanyň kubogy ugrundaky ýaryşyň finalynda ýeňiş gazansa, Ýewropa ligasynyň toparçasyna gatnaşar. Eger-de “Çelsi” finalda ýeňiş gazansa, onda “Wolwerhampton” UEFA saýlama oýunlaryna gatnaşar we “Tottenham” Ýewropa ýaryşynyň toparçasyna çykar.
Angliýanyň “Premýer ligasynyň” iň köp gol geçiren futbolçysy “Lester Siti” toparynyň hüjümçisi Jeými Wardi hasaplanyldy.
“Premýer ligany” şu möwsümde “Bornmut”, “Watford” we “Norwiç Siti” toparlary ikinji liga düşdi. Olaryň ýerine ikinji ligadan “Lids” we “West Bromwiç” ýokary liga çykdy. Ýokary liga çykjak üçünji topar soň yglan ediler.