Amerikanyň Birleşen Ştatlarynda talyp haky bilen master derejesini almak isleýärsiňizmi? Onda Size Fulbraýt maksatnamasy garaşýar. Magistr derejesini almak boýunça Fulbraýt maksatnamasy üçin 2023-2024-nji okuw ýyly üçin açyk bäsleşik yglan edilýär.
Amerikanyň Birleşen Ştatlarynyň Türkmenistandaky Ilçihanasynyň web saýtynda habar berlişine görä, Fulbraýt adyndaky maksatnamasy Türkmenistanyň meşhur ýaş hünärmenlerine 2023-nji ýylyň awgustyndan başlap, ABŞ-nyň belli bir uniwersitetinde magistr derejesini almak mümkinçiligini berýär. Bu maksatnama bir ýa-da iki ýyl dowam eder. Lukmançylyk, weterinar ylymlary, şeýle hem näsaglar bilen ýüzbe-ýüz aragatnaşygy talap edýän hünärlerden başga ähli ugurlar boýunça resminamalar kabul edilýär. Resminamalar 2022-nji ýylyň 31-nji maýyna çenli kabul edilýär.
Resminamalaryňyzy şu websahypa tabşyryp bilersiňiz: https://apply.iie.org/ffsp2023
Dalaşgärlere bildirilýän talaplar (ähli dokumentler resminamanyň özüne yüklenmelidir):
Gerekli resminamalar:
- Ýokary okuw jaýyny tamamlandygy barada diplom we şonuň ýany bilen berilýän transkript
- СV ýa-da rezýume
- Ýokary okuw jaýyny tamamlanyndan soň, azyndan 2 ýyl iş tejribesi bolmaly
- Üç (3) sany hödürnamalar (resminama bilen bilelikde tabşyrylmaly)
- Iňlis dilini ýokary derejede bilmek
- TOEFL/GRE/GMAT synaglarynyň bahalary (bar bolsa)
Dykgat ediň:
Tabşyrylýan dokumentleriniň ählisi iňlis dilinde tabşyrylmaly, ýa-da ýanyna iňlis diline edilen resmi terjimelerini çatmaly
ABŞ-da ýaşaýan adamlar bu maksatnama gatnaşyp bilmeýärler
Dalaşgärler resminamalaryny tabşyrýan wagtynda Türkmenistanda ýaşaýan bolmaly
Gatnaşyjylaryň saýlanylyşy:
31-nji maýa çenli: ähli gerekli dokumentleri bilen doldurylan resminamany tabşyrmaly.
Iýun aýynyň birinji ýarym aýy: ABŞ-nyň Ilçihanasy resminamalary barlaýar. Bu tapgyrdan geçen dalaşgärlere elektron poçta arkaly habar berilýär we olar söhbetdeşlige çagyrylýar.
Iýun aýynyň ikinji ýarym aýy: çagyrylan dalaşgärler bilen söhbetdeşlik geçirilýär.
Sentýabr-oktýabr aralygy: ABŞ-nyň Ilçihanasy söhbetdeşlik tapgyryndan geçen dalaşgärleri TOEFL, GRE/GMAT synaglaryna registrasiýa edýär. Fulbraýt maksatnamasy synaglaryň tölegini özi geçirýär.
Oktýabr: ähli tapgyrlardan geçen dalaşgärleriň sanawy Waşington şäherindäki Fulbraýt maksatnamasynyň komiteti tarapyndan gutarnykly netije üçin seredilýär.
Goşmaça maglumat:
TOEFL/GRE/GMAT synaglary barada goşmaça maglumatlary şu websahypalardan görüp bilersiňiz:
TOEFL: https://www.ets.org/toefl
GMAT: https://www.mba.com/exams/gmat
Ähli dalaşgärlere TOEFL/GRE/GMAT synaglaryna synag geçirilýän wagtyndan has öňden taýýarlyk görmegiňizi maslahat berýäris. Sebäbi bu synaglaryň bahalary uniwersitetler üçin wajyp ähmiýeti bardyr.
Bu maksatnama boýunça goşmaça soraglaryňyz bar bolsa, ABŞ-nyň Ilçihanasynyň Maglumat we medeniýet bölümine AshgabatEducation@state.gov elektron salgysy ýüz tutup bilersiňiz.
Resminamalar 2022-nji ýylyň 31-nji maýyna çenli kabul edilýär.
