Hytaýyň “Xiaomi” kompaniýasynyň hojalyk harytlaryny öndürýän “Mijia” firmasy “Internet Washing Machine and Dryer 1C” atly ses bilen dolandyryp bolýan kir ýuwujy maşyny hödürledi. Sesden başga-da, bu enjamy ýörite programma bilen smartfon arkaly hem uzakdan dolandyrylmak bolar.
«Xiaomi» kir ýuwujy maşynynda 22 sany kir ýuwmak görnüşi bar. Uzakdan dolandyrmak üçin kir ýuwýan maşyna Wi-Fi moduly gurulýar we ses arkaly dolandyrmak üçin “XiaoAI” wirtual kömekçi ýardam edýär.
Kir ýuwujy maşyn 10 kilogramlyk bolup, onuň depreginiň aýlanyş tizligi minutda 1400 aýlawa deňdir. Bu täze tehnologik enjam 9-njy aprelde satuwa çykarylar. Onuň bahasy 2099 ýuan bolar.