Bu ýylky sergi Türkmenistanyň Garaşsyzlygynyň 30 ýyllygy hem-de hemişelik Bitaraplygyň 25 ýyllygy hem-de “Türkmenistan – parahatçylygyň we ynanyşmagyň Watany” ýyly, şeýle hem Aşgabat şäheriniň gününe bagyşlanyp geçirilýär.
Halkara sergi ýylyň-ýylyna şäherguluşyk pudagynyň öňdebaryjy sergileriniň birine öwrüldi. Oňa gatnaşýanlaryň sany yzygiderli köpelýär.
Aşgabat şäheriniň çäkleri her geçen ýyl giňeldilýär, täze we döwrebap desgalar, şeýle hem medeni-durmuş maksatly binalar gurulýar. Şu ýyl türkmen paýtagtynyň esaslandyrylmagynyň 140 ýyllygy mynasybetli halkara sergisiniň geçirilmegi Aşgabadyň parahatçylyk söýüçilik we açyklyk hem-de özara bähbitli hyzmatdaşlyga ymtylýandygynyň nobatdaky subutnamasy bolar.
Serginiň diwarlyklarynda ýurdumyzyň öňdebaryjy kompaniýalarynyň, ýuridiki şahyslaryň we hojalyk kärhanalaryň, telekeçileriň harytlary görkeziler. Sergi, işewür pikirleri we hususy sektordaky täze tejribe alyşmak, şeýle hem gepleşikler we işewür ýygnaklar, şertnamalar, söwda şertnamalary we beýleki şertnamalar baglaşmak üçin amatly platforma bolar.
Sergi barada has giňişleýin maglumaty aşakdaky salgylardan alyp bilersiňiz:
Aşgabat şäher häkimligi – telefon (+99312)920424, faks (+99312)922815
Elektron salgysy: ird.ashgabat@gmail.com, ash.saheri@gmail.com, ach@online.tm
Türkmenistanyň Söwda-senagat edarasy – telefon (+99312)398883, 398887, faks (+99312)398979
Elektron salgysy: exhibition@cci.gov.tm, bahar8020.exibition@gmail.com
Internet saýty: www.cci.gov.tm