Şu gün hormatly Prezidentimiz Ministrler Kabinetiniň Başlygynyň käbir orunbasarlarynyň gatnaşmagyna iş maslahatyny geçirdi.
“Watan” habarlar gepleşiginde bellenilip geçilişi ýaly, iş maslahatynda dutar ýasamak senetçiligini hem-de dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi mynasybetli güwanama ýurdumyza gelip gowuşýandygy habar berildi.
Bu buşlukly habar mynasybetli türkmen halkyny gutlan milli Liderimiz ýurdumyzyň ÝUNESKO-nyň güwänamasynyň gelip gowuşmagy mynasybetli käbir ýolbaşçylara degişli tabşyryklayr berdi.
Hususan-da, Ministrler Kabinetiniň Başlygynyň orunbasary R.Meredow şu tabşyryklar berildi:
- dutar ýasamak senetçiligini hem-de dutarda saz çalmak we bagşyçylyk sungaty atly milli hödürnamamyzyň ÝUNESKO-nyň sanawyna girizilmegi bilen bagly halkara giňişliginde alnyp baryljak işleriň meýilnamasyny taýýarlamaly:
- ÝUNESKO bilen işi ulgamlaýyn esasda ýagny, Türkmenistan bilen bu guramanyň arasynda 2021-2023-nji ýyllar üçin bilelikdäki hereketleriň meýilnamasy esasynda alyp barmaly:
- Ahalteke atlaryny seýislemek sungaty, türkmen alabaý itlerini köpeltmegiň milli aýratynlykaryny hem-de türkmen keşdeçilik sungatyny ÝUNESKO-nyň sanawyna girizmek boýunça işleri dowam etmeli:
- ýurdumyzda halkara kadalaşdyryjy hukuk binýadyny giňeltmek maksady bilen ÝUNESKO-nyň tarapyndan dolandyrylýan halkara hukuk namalaryna Türkmenistanyň goşulmagy bilen bagly soraglary öwrenmeli.
Türkmenistanyň uniwersiteti Lukmançylyk mekdepleriniň dünýä katalogyna girizildi