ABŞ-nyň Milli geografiki jemgyýeti we Kaliforniýa uniwersiteti tarapyndan geçirilen gözleglere görä, planetamyzdaky buzsyz topraklaryň ýarysyna golaýynyň adam eliniň degmändigi habar berilýär.
“Science Daily”-iň habaryna görä ABŞ-nyň Milli geografiki jemgyýeti we Kaliforniýa uniwersiteti tarapyndan geçirilen gözleg, adamzat tebigat ugrunda peýdaly işleri bitirip, aýgytly hereket etse, Ýer togalagynyň takmynan ýarysynyň ellenilmän saklanyp bilinjekdigini ýüze çykardy.
Gözlegleriň çäginde, “Global Change Biology” žurnalynda çap edilen, ýaňy-ýakynda peýda bolan we tebigy topraklaryň antropogen topraklara öwrülmegini açyp görkezýän dört sany global karta bilen deňeşdirildi.
Ýeriň takmynan 15 göterimi we ummanlaryň 10 göterimi häzirki wagtda giň gerimde goralýar. Ýene-de bellemeli zatlaryň biri käbir daşky gurşawy goramak boýunça iş alyp barýan guramalary, dünýä döwletleriniň hökümetlerini 2050-nji ýyla çenli ýeriň we ummanlaryň goralýan bölegini 50 göterime çenli ýokarlandyrmak ugrunda tagalla etmäge çagyrýarlar.