Birleşen Arap Emirlikleriniň Abu-Dabi şäherinde 2-nji Bütindünýä media kongresi öz işine başlady. Media ulgamyndaky iri halkara forum BAE-niň wise-prezidenti we Premýer-ministriň orunbasary Mansur ben Zaid Al-Nahaýýanyň howandarlygynda geçirilýär. Onuň guramaçylary hökmünde Abu-Dabiniň “ADNEC” milli sergi kompaniýasy bilen emirligiň WAM habar gullugy çykyş etdi.
Bu foruma 172 döwletden 257 media kompaniýanyň wekilleri gatnaşýar. Uman, kongrese 5 müň wekiliýetiň gatnaşmagyna garaşylýar. Onuň dowamynda maglumat neşirleri boýunça halkara sergi geçiriler.
Forumda media ulgamyny mundan beýläk-de ösdürmek babatda sanly aragatnaşyk tilsimatlarynyň ulanylmagy, döwrebap tehnologiýalaryň peýdalanmagy babatda pikir alşylar. Maslahat 170-den gowrak media ulgamynyň wekilleri çykyş ederler.