Pariž Olimpiadasynda erkekleriň arasynda basketbol boýunça final duşuşygy geçirildi. Onda ABŞ-nyň milli ýygyndysy ýer eýeleri Fransiýanyň ýygyndysyny 98:87 hasabynda utup, yzly-yzyna 5-nji gezek tomusky Olimpiýa oýunlarynda çempion bolmagy başardy.
Fransiýanyp ýygyndysyndan Wiktor Wenbanýama 26 utuk bilen final duşuşygynyň iň netijeli basketbolçysy boldy. ABŞ-nyň düzüminde bolsa, Stefen Karri 24 utuk jemledi.
4 ýyl mundan ozal, Tokioda geçirilen Olimpiýa oýunlarynyň finalynda-da ABŞ-nyň ýygyndysy Fransiýany ýeňipdi.
Şeýlelikde, ABŞ-nyň ýygyndysy 17-nji gezek Olimpiýa oýunlarynyň altyn medalyny gazandy.