Gruziýanyň Premýer-ministri Irakli Kobahidze Merkezi Aziýa ýurtlarynyň daşary işler ministrleri üçin resmi agşam naharyny berdi.
Premýer-ministriň metbugat gullugynyň habar bermegine görä, Kobahidze Gruziýa gelendikleri üçin Türkmenistanyň, Özbegistanyň, Täjigistanyň we Gyrgyzystanyň daşary işler ministrlerine minnetdarlyk bildirdi.
Ol Merkezi Aziýa bilen gatnaşyklary çuňlaşdyrmagyň we dürli ugurlarda hyzmatdaşlygy mundan beýläk-de ösdürmegiň Gruziýanyň Hökümetiniň ileri tutulýan ugry bolup durýandygyny aýtdy.
Gruziýanyň we Merkezi Aziýa ýurtlarynyň daşary işler ministrleriniň duşuşygy şu gün Batumi şäherinde geçiriler.
Saparyň dowamynda Gruziýanyň Premýer-ministriniň orunbasary we daşary işler ministri Maka Boçorişwili kärdeşleri bilen ikitaraplaýyn duşuşyklary geçirdi.