Stambulyň «Fenerbahçe» kluby 18 ýyldan soň ilkinji gezek UEFA Çempionlar ligasynyň umumy tapgyrynda çykyş etmäge hukuk gazandy. Türk kluby pleý-off tapgyrynda iki duşuşygyň jemi boýunça Fransiýanyň «Lion» klubyny 3:2 hasabynda ýeňdi.
Lionda geçirilen jogap duşuşygynda stambullylaryň düzüminde gollary Wedat Murigi (24) we Arçi Braun (28) geçirdi. Meýdan eýeleriniň düzüminde bolsa Malik Fofana (61) tapawutlandy. Stambulda geçirilen ilkinji duşuşyk 1:1 hasabynda deňme-deň tamamlandy.
Şeýlelikde, «Fenerbahçe» 2008/09 möwsüminden bäri ilkinji gezek UEFA Çempionlar ligasynyň umumy tapgyryna gatnaşar.