2026-njy ýylyň 4-nji maýynda Türkmenistanyň Birleşen Milletler Guramasynyň ýanyndaky Hemişelik wekili, ilçi Wepa Hajiýew BMG-niň Baş Assambleýasynyň 80-nji sessiýasynyň Başlygy Annalena Berbok bilen duşuşdy. Bu barada Türkmenistanyň Birleşen Milletler Guramasynyň ýanyndaky Hemişelik wekilhanasynyň jemgyýetçilik torunda habar berilýär.
Duşuşygyň dowamynda taraplar hyzmatdaşlygy güýçlendirmegiň we has-da berkitmegiň häzirki wagtda ileri tutulýan ugurlary boýunça pikir alyşdylar.
Parahatçylyk we howpsuzlyk, howanyň üýtgemegi we durnukly ösüş meselelerinde BMG-niň çäklerinde özara gatnaşyklary ösdürmäge, şeýle hem Birleşen Milletler Guramasy bilen hyzmatdaşlykda Türkmenistanyň milli ileri tutýan ugurlarynyň netijeli durmuşa geçirilmegine aýratyn üns berildi.