Fransuzlaryň “Pari Sen-Žermen” we Germaniýanyň “Bawariýa” toparlarynyň futbolçylary Çempionlar ligasynyň ýarym final duşuşyklarynda täze netijelilik rekordyny goýdulyar. Oýun Parižde geçip, 5:4 hasabynda ýer eýeleriniň peýdasyna tamamlandy.
Ýarym finallaryň taryhynda ilkinji gezek birinji ýarymda bäş gol geçirildi. Oýnuň ilkinji ýarymyndan soň hasap 3:2 hasabynda PSŽ-niň peýdasyna tamamlandy.
“Bawariýa” 1994/95-nji ýyldaky möwsümden bäri ilkinji gezek ýewrokuboklarda öz derwezesinden bäş gol goýberdi. Şonda Mýunheniň kluby Çempionlar ligasynyň ýarym finalynda Niderlandlaryň “Aýaks” toparyndan 2:5 hasabynda utulypdy.
Mundan başga-da, 2018-nji ýylda “Liwerpul” we “Roma” (5:2 “Liwerpulyň” peýdasyna), şeýle-de 2022-nji ýylda “Mançester Siti” bilen “Real Madrid” (4:3 “Mançester Sitiniň” peýdasyna) duşuşyklarynda ýarym final oýunlarynda ýedi gol geçirilipdi.
Bu bäsleşikler Çempionlar ligasynyň şu tapgyrynda urlan gollaryň sany boýunça rekord hasaplanýardy.