SPORT

Gruziýa gyşky Olimpiýa oýunlarynyň taryhynda ilkinji medalyny gazandy

Figuralaýyn typmak boýunça jübütleýin ýaryşlarda çykyş edýän Anastasiýa Metelkina we Luka Berulawa Italiýada geçirilýän gyşky Olimpiýa oýunlarynyň kümüş medaly eýeleri boldular we Gruziýanyň ýygyndysyna gyşky Oýunlaryň taryhyndaky ilkinji medaly getirdiler. Bu barada Gruziýanyň köpçülikleýin habar beriş serişdeleri habar berdi.

Gysga we erkin maksatnamalaryň jemleriniň netijesinde Metelkina bilen Berulawanyň 221,75 utuk toplandygy bellenilýär.

Erkin maksatnamada dünýä rekordyny (158,13) goýan ýaponiýaly Riku Miura we Ryuiti Kihara (231,24 utuk) ýaryşyň ýeňijileri boldular.

Baýrakly üçlügi Germaniýanyň wekilleri Minerwa Fabýen Haze we Nikita Wolodin (219,09) jemlediler.

Metelkina 20 ýaşynda, Berulawa bolsa 23 ýaşynda. Bu türgenler Ýewropanyň çempionlary (2026), şeýle hem ýaryşyň kümüş (2024) we bürünç (2025) medalynyň eýeleridir. Metelkina Wladimir şäherinde doguldy. Türgen gyz 2020-nji ýyldan bäri Gruziýanyň ýygyndysynda çykyş edýär.

Ýene-de okaň

Ronaldo “Al-Nasr” bilen meýdança çykdy we gol geçirdi

Gazagystan 32 ýyldan soňra ýene-de altyn Olimpiýa medalyny gazandy

“Arkadag” – “Al-Nassr”: bahreýnli eminler topary eminlik eder

Ata Watan Eserleri

Ronaldo we “Al-Nasr” toparyndaky ýagdaý

«Arkadag» futbol topary ýaş türkmen türgenleri bilen duşuşdy

Ata Watan Eserleri

Messi ýoldaşlyk duşuşygynda “Barselona” gol geçirdi