2025-nji ýylyň jemleri boýunça Russiýa Türkmenistan üçin esasy söwda hyzmatdaşlarynyň biri bolmagynda galýar. Bu barada Russiýa Federasiýasynyň Aşgabatdaky ilçisi Iwan Wolynkin žurnalistler üçin geçirilen brifingde mälim etdi.
“Russiýa Türkmenistan üçin öňdebaryjy söwda hyzmatdaşlarynyň biri bolmagynda galdy. 2025-nji ýylyň ilkinji 10 aýynda iki ýurduň arasyndaky haryt dolanyşygy 35% ýokarlandy, bu bolsa 2024-nji ýylyň tutuş görkezijisinden ep-esli ýokarydyr”, — diýip ol aýtdy.
Brifinge degişli metbugat býulleteninde bellenilişi ýaly, Türkmenistanda rus kapitalynyň gatnaşmagynda 38 kompaniýa hasaba alnypdyr. Olaryň hatarynda “Gazprom”, “KamAZ”, “Tatneft” ýaly kompaniýalaryň wekilhanalary we şahamçalary hem bar.