Las-Wegasda geçirilýän dünýäniň iň iri tehnologiýa sergisi CES 2026-da San-Fransiskoda ýerleşýän “Qlay” kompaniýasynyň täze tehnologiýasy bilen tanyşdyrdy. Bu tanyşdyryş çäresine “Atavatan Media” hem gatnaşdy.
“Qlay” tarapyndan işlenip düzülen “AI Proctor” çözgüdi onlaýn interwýular we testler wagtynda emeli intellekt arkaly galplygy anyklamaga niýetlenendir. Kompaniýanyň maglumatlaryna görä, häzirki wagtda uzakdan geçirilýän baha bermelerde dalaşgärleriň takmynan 40 göterimi generatiw AI gurallaryny ulanýar we adaty proktoring ulgamlary muny ýüze çykaryp bilmeýär.
“Qlay”-yň çözgüdi iki esasy bölekden ybarat:
Desktop programma – göz hereketini yzarlamak, gepleşik äheňini seljermek, tab çalşygyny we kompýuterde AI gurallarynyň işleýändigini anyklamak;
Mobil programma – smartfony ikinji kamera hökmünde ulanyp, rugsatsyz enjamlary hem-de şübheli el, baş ýa-da beden hereketlerini ýüze çykarmak.
Kompaniýanyň esaslandyryjysy we baş direktory Tom Nakata bu çözgüdiň maksadynyň AI ulanylýan işe alyş we baha bermek proseslerinde adalatlylygy, ynamy we aç-açanlygy üpjün etmekdigini belledi.
Qlay-yň AI Proctor tehnologiýasy uzakdan interwýu we testler üçin howpsuz, tiz we giň gerimli baha bermek gurşawyny döretmegi maksat edinýär.
Atavatan Media – CES 2026, Las-Vegas