Ispaniýanyň “Real Madrid” topary myhmançylykda Angliýanyň “Mançester Siti” toparyny UEFA-nyň Çempionlar ligasynyň 1/8 finala çykmak üçin oýnalýan pleý-off tapgyrynda 3:2 hasabynda ýeňmegi başardy. Bu hem ispan toparyna 19-njy fewralda oýnaljak jogap duşuşygy üçin artykmaçlyk gazandyrdy.
Iňlis toparynyň gollaryny Erling Holand öz adyna ýazdyrdy. Norwegiýaly futbolçy duşuşygyň 19-njy minutynda hem-de 80-nji minutynda tapawutlandy. Ol ikinji goluny 11 metrlik jerime urgusyndan geçirdi.
Ispan topary bolsa, 60-njy minutda Kilian Mbappe, 87-nji minutda Braham Dias hem-de 90+2-nji minutda Jud Bellingemiň gollary bilen ýeňiş gazandy.
Çempionlar ligasynyň umumy tapgyrynyň netijesi boýunça 8 topar gönüden-göni 1/8 finala çykdy. Ýene-de 16 topar iki duşuşykdan ybarat oýun oýnap, 1/8 finala çykmaga synanyşýar.
Hem “Real Madrid” hem-de “Mançester Siti” toparlary umumy tapgyrda oňat netije görkezip bilmedi. “Real” 11-nji, “Siti” bolsa 22-nji orny eýeledi.