Türkmenistanyň milli ýygyndysy Aziýa Kubogy – 2027-niň saýlama tapgyryndaky ilkinji duşuşygyny şu ýylyň 25-nji martynda myhmançylykda Hytaý Taýbeýiniň milli ýygyndy toparynyň garşysyna geçirer.
Ýeri gelende bellesek, Aziýanyň Futbol Konfederasiýasynyň edara binasynyň ýerleşýän ýeri bolan Kuala-Lumpur şäherinde geçirilen bije çekişligiň netijesinde Türkmenistanyň milli ýygyndysy “D” toparçada Tailandyň, Hytaý Taýbeýiniň hem-de Şri-Lankanyň milli ýygyndy toparlary bilen duşuşmaga mümkinçilik aldy.
Bije çekişligiň netijesinde ýygyndylaryň dördüsinden ybarat bolan toparçalaryň 6-sy düzüldi. Türkmenistanyň milli ýygyndysy saýlama tapgyryň çäginde 2025-nji ýylda bäş, 2026-njy ýylda bolsa bir duşuşyk geçirer. Ýygyndy toparlaryň her biri üç duşuşygy öz meýdanynda, üç duşuşygy bolsa myhmançylykda geçirer.
2027-nji ýylda Saud Arabystanyda geçiriljek Aziýa Kubogynyň final tapgyrynda toparçalaryň ýeňijileri çykyş etmäge mümkinçilik alarlar.
Aziýa Kubogy 2027-niň saýlama tapgyry:
«D» toparça
1-nji tapgyr
25.03.2025 (sişenbe)
Tailand – Şri-Lanka
Hytaý Taýbeýi – TÜRKMENISTAN
***
2-nji tapgyr
10.06.2025 (sişenbe)
Şri-Lanka – Hytaý Taýbeýi
TÜRKMENISTAN – Tailand
***
3-nji tapgyr
09.10.2025 (penşenbe)
Şri-Lanka – TÜRKMENISTAN
Tailand – Hytaý Taýbeýi
***
4-nji tapgyr
14.10.2025 (sişenbe)
TÜRKMENISTAN – Şri-Lanka
Hytaý Taýbeýi – Tailand
***
5-nji tapgyr
18.11.2025 (sişenbe)
Şri-Lanka – Tailand
TÜRKMENISTAN – Hytaý Taýbeýi
***
6-njy tapgyr
31.03.2026 (sişenbe)
Tailand – TÜRKMENISTAN
Hytaý Taýbeýi – Şri-Lanka