Russiýa Federasiýasy “Russiýa-Merkezi Aziýa” görnüşinde (Gazagystan. Gyrgyzystan. Täjigistan. Türkmenistan. Özbegistan) ikinji sammite geçirmek üçin taýýarlyk görýär. Bu barada Russiýanyň daşary işler ministri Sergeý Lawrow Halkara gatnaşyklar boýunça Moskwa döwlet uniwersitetiniň professor-mugallymlary we talyplary bilen geçiren duşuşygynda belläp geçdi.
– Birnäçe ýyl mundan ozal döredilen “Russiýa-Merkezi Aziýa” görnüşindäki dialogyň birinji sammiti geçirildi. Birnäçe gezek ministrler derejesinde duşuşyklar guraldy. Häzikri wagtda ýokary derejede ikinji sammiti geçirmäge taýýarlyk görýäris – diýip. Lawrow belledi.
Lawrowyň bellemegine görä, “Merkezi Aziýa +” görnüşinde birnäçe görnüşleriň bardygyna ünsi çekip, “Merkezi Aziýa-ABŞ”, “Merkezi Aziýa-Ýewropa Bileleşigi”, “Merkezi Aziýa-Germaniýa”, “Merkezi Aziýa-Ýaponiýa”, “Merkezi Aziýa-Hindistan”, “Merkezi Aziýa-Koreýa” ýaly görnüşleri mysal getirdi.
Russiýanyň daşary syýasat edarasynyň ýolbaşçysy Russiýanyň Merkezi Aziýa bilen bäştaraplaýyn geňeşmeler guralyny goldaýandygyny aýdyp, Merkezi Aziýanyň özbaşyna hem bäştaraplaýyn konsultatiw duşuşyk guralyny döredendigini belledi.
“Russiýa-Merkezi Aziýa” görnüşindäki ýokary derejedäki ilkinji sammit 2022-nji ýylyň 14-nji oktýabrynda Astana şäherinde geçirilipdi.