Şu gün Arkadag şäheriniň açylyp ulanylmaga berilmeginiň bir ýyllygynyň giňden bellenilýän gününde «Arkadag Medisina Klasteri Menejment» kärhanasyna Türkmenistanyň sertifikatlaşdyryş ulgamy tarapyndan «Hil ulgamynyň laýyklyk sertifikaty» berildi.
Bu sertifikat «Hil menejmetiniň ulgamy» diýen ugur boýunça önümleriň hil ulgamynyň TDS ISO 9001-iň bellenen talaplaryna laýyk gelýändigini tassyklaýar. Munuň özi kärhananyň öndürýän önümleriniň hil görkezijileri, şol sanda lukmaçylyk ulgamyna degişli hil görkezijiler babatda ýokary talaplara laýyk gelýändigine şaýatlyk edýär.