Hindistan Respublikasy özüniň taryhy adyna gaýdyp gelmegi meýilleşdirýär. “The Economic Times” gazetiniň berýän habaryna görä, Hindistanyň adyny Bharat bilen üýtgetmek göz öňünde tutulýar.
Ýurduň hökümeti 18-22-nji sentýabrda ýurduň parlamentinde geçiriljek ýörite mejlisde bu barada degişli kararnama girizmegi maksat edinýär.
Bharat – hindi dilinde Hindistanyň taryhy atlandyrylyşydyr. Ýurduň “Hindistan” diýlip, Ind derýasynyň ýurduň demirgazyk böleginde akýandygy sebäpli demirgazyk-günbatarly ýewropalylar tarapyndan atlandyrylandygy bellenilýär.
9-10-njy sentýabrda Hindistan dünýäniň öňdebaryjy 20 ýurdunuň ýolbaşçysyny kabul etmäge taýýarlyk görýär. Täze-Deli şäherinde Hindistanyň başlyklyk etmeginde “Uly 20-ligiň” baştutanlarynyň sammiti geçiriler.