Futzal boýunça Türkmenistanyň milli ýygyndysy «CAFA Futsal Cup-2023» halkara ýaryşyna gatnaşar. Merkezi Aziýa wekilçilik edýän milli ýygyndylaryň arasyndaky ilkinji halkara ýaryşy Merkezi Aziýanyň futbol Assosiasiýasy tarapyndan geçiriler.
Halkara ýaryşy 23-30-njy iýul aralygynda Duşenbe (Täjigistan) şäherinde geçiriler. Baş baýrak ugrunda biziň milli ýygyndy toparymyzdan başga Täjigistanyň, Eýranyň, Özbegistanyň, Gyrgyzystanyň hem-de Owganystanyň milli ýygyndylary bäsleşerler.
Bir aýlowdan ybarat boljak «CAFA Futsal Cup-2023» halkara ýaryşynyň çäginde duşuşyklaryň 15-si geçiriler. Ýeňiji gazanylan utuklaryň sany boýunça kesgitlener.
Ýygyndy toparymyz halkara ýaryşyndaky ilkinji duşuşygyny 23-nji iýulda Eýranyň ýygyndysynyň garşysyna geçirer. 24-nji iýulda geçiriljek ikinji tapgyrda Täjigistanyň ýygyndy topary bilen duşuşjak türkmenistanly futzalçylar, 26-njy iýulda Özbegistanyň, 28-nji iýulda Gyrgyzystanyň hem-de 30-njy iýulda Owganystanyň milli ýygyndylary bilen güýç synanyşar.
Bu halkara ýaryşyndaky çykyşy ýygyndy toparymyz üçin şu ýylyň 7-11-nji oktýabry aralygynda Taýlandda geçiriljek Aziýa Kubogy-2024-iň saýlama tapgyryna taýýarlygy bolar. Saýlama tapgyrynda “A” toparçada çykyş edýän milli ýygyndymyzyň garşydaşlarynyň Taýlandyň, Gonkongyň hem-de Hytaýyň milli ýygydylarydygyny ýatladýarys.
***
«CAFA Futsal Cup-2023»
1-nji tapgyr
23-nji iýul (ýekşenbe)
Özbegistan – Täjigistan
Gyrgyzystan – Owganystan
Eýran – TÜRKMENISTAN
***
2-nji tapgyr
24-nji iýul (duşenbe)
Täjigistan – TÜRKMENISTAN
Eýran – Gyrgyzystan
Özbegistan – Owganystan
***
3-nji tapgyr
26-njy iýul (çarşenbe)
Täjigistan – Gyrgyzystan
TÜRKMENISTAN – Özbegistan
Owganystan – Eýran
***
4-nji tapgyr
28-nji iýul (anna)
Owganystan – Täjigistan
Gyrgyzystan – TÜRKMENISTAN
Eýran – Özbegistan
***
5-nji tapgyr
30-njy iýul (ýekşenbe)
Täjigistan – Eýran
TÜRKMENISTAN – Owganystan
Özbegistan – Gyrgyzystan