Dünýäniň iň güýçli futbolçylarynyň biri hasaplanýan argentinaly Lionel Messi Ispaniýanyň “Barselona” toparyndan Fransiýanyň “PSŽ” toparyna geçmek bilen köpleri haýran galdyrypdy. Janköýerler ony “Barselona” bilen bagry badaşan hasaplaýardylar.
Ýöne “PSŽ” toparyna geçmek bilen köpleri haýran galdyran Lionel Messi täze toparynda ynamly oýun görkezip bilmeýär. Ýöne Messiniň gelmegi bilen onuň “PSŽ” toparyndaky köýnekçesiniň satuwy ýokary görkezijilere eýe bolýar.
Argentinaly hüjümçiniň futbol köýnekçesiniň satuwyndan gelýän girdeji toparyň ähli aksesuarlarynyň söwdasynyň 60 göterimini düzýär.
Halkara neşirleriň maglumatyna görä, Messiniň “30” belgili köýnekçesiniň 1 milliondan gowragy satyldy. Olaryň her biriniň bahasy 113 dollara deňdir.
Diýmek, Messiniň futbol köýnekçeleri häzirki wagtda topary belli bir derejede girdeji gazandyrýar.