Türkiýäniň milli çempionatynda iki güýçli toparlaryň arasyndaky derbi duşuşygynda “Galatasaraý” topary garşydaş meýdançada 21 ýyldan soňra “Fenerbahçe” toparyny ýeňmegi başardy. “Fenerbahçe” aňsat-aňsat Kadyköýdäki öz meýdançasynda “Galatasaraý” toparyna ýeňilmeýärdi.
Bu gezekki duşuşyk “Galatasaraý”-yň 3:1 peýdasyna tamamlandy. 1999-njy ýyldan bäri ýeňilmeýän gelýän “Fenerbahçe” 1-0 hasabynda öňe geçendigine garamazdan, 3 jogapsyz pökgüni geçirdip, ýeňlişe sezewar boldy. “Fenerbahçe”-niň gollary Kruse geçirdi. “Galatasaraý” toparyndan bolsa Rýan Donk, Falkao we Onýekuru tapawutlandy.
Şeýle hem duşuşykda emin tarapyndan her iki toparyň bir oýunçysyna gyzyl kart görkezildi. Mundan başga-da “Fenerbahçe” toparynyň tälimçisi Ersun Ýanala hem gyzyl kart görkezilip, ol hem tomaşaçylaryň ýanyna iberildi.