Şu gün, 24-nji iýunda, Argentinanyň milli ýygyndysynyň we ABŞ-nyň «Inter Maýami» klubynyň hüjümçisi Lionel Messi 39 ýaşady.
Argentinaly futbolçy iň uly şöhraty we meşhurlygy «Barselona» klubynda çykyş eden döwründe gazandy. Ol bu toparyň düzüminde Ispaniýanyň çempionatynda we Çempionlar ligasynda ýeňiji boldy, şeýle hem 8 gezek «Altyn pökgi» baýragynyň eýesi boldy.
Şu günlerde dowam edýän 2026-njy ýyldaky dünýä çempionatynda Messi ýaryşyň taryhyndaky iň netijeli hüjümçi boldy. Tejribeli futbolçynyň hasabynda 18 gol bar, bu görkeziji Germaniýanyň milli ýygyndysynyň öňki hüjümçisi Miroslaw Kloze we Fransiýanyň milli ýygyndysynyň hüjümçisi Kilian Mbappeden iki gol köpdür. Kloze bilen Mbappe hersi 16 gol geçirdi.