Türkmenistanyň kikboksing boýunça milli ýygyndysy Bangkokda geçirilen “Taýlandyň 1-nji Dünýä kubogy – 2025” (1st Thailand Kickboxing World Cup 2025) ýaryşynda 14 medal gazandy. Bu barada ýurdumyzyň Kikboksing Federasiýasynda habar berildi.
7-12-nji aprel aralygynda WAKO halkara kikboksing Federasiýasynyň howandarlygynda geçirilen bu ýaryş dünýäniň 40-a golaý döwletinden 800 töweregi türgeni bir ýere jemledi. Kikboksçylar “Full Contact”, “Low Kick”, “K-1”, “Kick Light”, “Light Contact” hem-de “Point Fighting” boýunça güýç synanyşdylar.
Ýurdumyzyň adyndan Türkmenistanyň Kikboksing boýunça milli ýygyndy toparynyň baş tälimçisi Orazmuhammet Kömekowyň ýolbaşçylygynda jemi 13 türgenimiz çykyş etdi.
Netijede, kikboksçylarymyz bu ýaryşda 7 altyn, 4 kümüş we 3 bürünç medal gazanmagy başardylar. Toparlaýyn esasda 8-nji orny eýelediler.
Altyn medallar:
- Nurmuhammet Joraýew (57 kg agramda, Kick-light)
- Kirill Woýewodin (57 kg agramda, Low-kick)
- Hangeldi Atabaýew (51 kg agramda, Low-kick)
- Akmyrat Akmyradow (67 kg agramda, Low-kick)
- Guwanç Mahmudow (54 kg agramda, K-1)
- Guwanç Babaýew (51 kg agramda, K-1)
- Muhammedaly Orazmuhammedow (37 kg agramda, Creative form)
Kümüş medallar:
- Orazmuhammet Kömekow (91 kg agramda, K-1)
- Raşit Geldimämmedow (63,5 kg agramda, K-1)
- Yhlas Babaýew (60 kg agramda, Low-kick)
- Muhammedaly Orazmuhammedow (37 kg agramda, Musical form)
Bürünç medallar:
- Agamyrat Amangeldiýew (60 kg agramda, Full contact)
- Geldimyrat Hojalyýew (81 kg agramda, Low-kick)
- Muhammedaly Orazmuhammedow (37 kg agramda, Point fighting)
Kikboksing ýurdumyzda sportuň iň meşhur görnüşleriniň biri bolup durýar. Häzirki wagtda 5000-den gowrak türgen bu sport bilen meşgullanýar. Türkmen kikboksçylarynyň halkara derejesinde gazanýan üstünlikleri ýylsaýyn artýar.