ABŞ-nyň Kesellere gözegçilik we öňüni alyş merkezi doly koronawirus sanjymyny alan amerikalylaryň mundan beýläk ähli ýagdaýlarda diýen ýaly, agyz-burun örtüklerini geýmekden ýüz öwrüp biljekdigini habar berdi. Bu barada Ak Tam habar berdi.
– Eger doly sanjym alandan soň, siziň köp ýagdaýlarda içerde ýa-da daşarda örtük dakynman bilersiňiz – diýlip, Ak Tamyň (ABŞ-nyň Prezidentiniň Administrasiýasy) “Twitter” jemgyýetçilik torunda bellenilip geçilýär.
ABŞ-nyň Prezidenti Jo Baýden 4-nji iýulda bellenilip geçilýän Garaşsyzlyk gününe çenli ýurduň uly ýaşly adamlarynyň azyndan 70 göterimine koronawirus sanjymynyň bir dozasyny sanjym etmegi göz öňünde tutýandyklaryny belledi.
ABŞ-nyň Prezidenti Baýdeniň wezipesine girişen gününden bäri 250 million doza sanjym edildi. Uly ýaşly amerikalylaryň 60 göterimi sanjymyň bir dozasyny alandygy bellenilýär.