ABŞ-nyň Prezidenti Jo Baýdeniň ilkinji daşary ýurt saparyny şu ýylyň iýun aýynda Beýik Britaniýa bilen Belgiýa amala aşyrmagy meýilleşdirilýär. Prezidenti Baýden 11-14-nji iýuny aralygynda Beýik Britaniýada hem-de Belgiýada saparda bolar.
Ol bu saparynyň çäklerinde Uly-7-ligiň (ABŞ. Beýik Britaniýa, Italiýa, Kanada, Fransiýa, Germaniýa we Ýaponiýa) sammitine gatnaşar.
Prezident Baýden 11-13-nji iýunda Beýik Britaniýanyň Kornuoll ýarymadasynda geçiriljek sammitde ABŞ-nyň saglygy goraýyş, ykdysadyýetiň dikeldilmegi, howanyň üýtgemegine garşy göreş ýaly ugurlardaky garaýyşlaryny beýan eder.
14-nji iýunda Baýden Brýussele geçip, ol ýerde NATO-nyň sammitine gatnaşar. Şeýle hem ABŞ-ÝB arasyndaky ýokary derejedäki gepleşiklere gatnaşyp, sanly söwda we beýleki ugurlardaky hyzmatdaşlyk gatnaşyklaryny maslahatlaşar.