Özbegistanyň Oskar komiteti tarapyndan Ýolkin Tuýçiýewiň “Faridanyň 2 müň aýdymy” atly filmi “Iň gowy halkara çeper film” ugry boýunça “Oskar” baýragyna dalaşgär görkezildi. Bu barada “Özbekkino” milli agentliginiň maglumat gullugy habar berýär.
93-nji “Oskar” baýragyna mynasyp bolan ýeňijileri sylaglamak dabarasy 2021-nji ýylyň 25-nji aprelinde ABŞ-nyň Los-Anjeles şäherindäki meşhur “Dolby” teatrynda geçiriler. Deslapky baha bermelerine görä, baş baýragy Sem Medensiň “1917” atly filminiň almagyna garaşylýar. Häzirki wagtda kino dünýäsiniň iň uly baýragyny iň köp ugur boýunça gazanan film “Jokerdir”. Ol 11 ugur boýunça bu baýraga mynasyp boldy.
Ýolkin Tuýçiýewiň “Faridanyň 2 müň aýdymy” atly filmi Iň gowy halkara çeper film” ugry boýunça bu baýraga hödürlendi. Bu film “Özbekkino” milli agentliginiň buýurmasy boýunça “Fox Music Cinema” kompaniýasy tarapyndan surata düşürildi.
Filmde Bahrom Matçonow, Ýulduz Rajabowa, Elmira Rahimjonowa, Marjon Uljaýewa, Sanobar Haknazarowa, Hodira Hojikulowa we beýlekiler surata düşdiler.
Özbegistanyň Oskar komiteti “Özbekkino” milli agentligi, Yaşlar guramasy we Özbegistanyň Milli film komissiýasynyň başlangyjy bilen 2019-njy ýylda döredildi.
Saýtymyzyň wideo habarlar sahypasy –geljekde iň işjeň sahypalaryň biri bolsa gerek. Häzirki döwürde bu sahypamyza birnäçe wideo rolik ýerleşdirilendir.
