2023-nji ýylda haýsy günler dynç güni? Ýa-da Oraza baýramy we Gurban baýramy 2023-nji ýylda haýsy günlerde bellenilse gerek? Ine bu soraglaryň jogaby 2023-nji ýylyň önümçilik senenamasyndan öwrenip bolýar.
Türkmenistanyň Zähmet we ilaty durmuş taýdan goramak ministrligi 2023-nji ýyl üçin önümçilik senenamasyny halk köpçüligine ýetirdi. Ministrligiň web saýtynda ýerleşdirilen maglumata görä, Iş wagtynyň ölçegleri 8 sagatlyk iş gününden ugur alnyp bäş günlük 40 sagatlyk iş hepdesiniň, 7 sagatlyk iş gününden ugur alnyp alty günlük 40 sagatlyk iş hepdesiniň we 6 sagatlyk iş gününden ugur alnyp alty günlük 36 sagatlyk iş hepdesiniň senenamasy boýunça hasaplanandyr.
Türkmenistanyň Zähmet kodeksiniň 81-nji maddasyna laýyklykda, şu aşakdaky baýramçylyk we hatyra günlerinde kärhanalarda, guramalarda we edaralarda işlenilmeýär:
1-nji ýanwar – Täze ýyl baýramy;
8-nji mart – Halkara zenanlar güni;
21-22-nji mart – Milli bahar baýramy;
21-nji aprel- Oraza baýramy;
18-nji maý – Türkmenistanyň Konstitusiýasynyň we Türkmenistanyň Döwlet baýdagynyň güni;
28-29-30-njy iýun – Gurban baýramy;
27-nji sentýabr – Türkmenistanyň Garaşsyzlyk güni;
6-njy oktýabr – Hatyra güni;
12-nji dekabr – Halkara bitaraplyk güni.
Şu günleriň öňündäki günüň iş wagty Türkmenistanyň Zähmet kodeksiniň 61-nji maddasyna laýyklykda 1 sagat ir tamamlanmalydyr.
Türkmenistanyň Zähmet kodeksiniň 62-nji maddasyna laýyklykda, iş tertibi düzülende gijeki iş wagtynda işiň dowamlylygynyň 1 sagat gysgalýandygy göz öňünde tutulmalydyr. Şol sebäpli, iki dynç alyş günli, bäş günlük iş hepdesinde üç iş çalşygynda işleýänleriň iş wagtynyň ýyllyk gory, her gijeki iş wagtynyň 1 sagadynyň hasabyna azalýar.
Gijeki işiň dowamlylygy önümçiligiň şertlerine görä zerur bolan halatlarda, hususan-da üznüksiz önümçiliklerde, şonuň ýaly-da bir dynç alyş günli alty günlük iş hepdesi mahalyndaky çalşykly işlerde gündizki iş bilen deňleşdirilýär.
Beýan edilenler bilen baglylykda, 2023-nji ýylda sagatlaýyn tarif möçberleriniň iş wagtynyň ortaça aýlyk dowamlylygynyň (sagatlarda) gaýtadan hasaplanylyşy şu aşakdaky ýaly bellenilýär:
40 sagatlyk iş hepdesi üçin – 165,2
36 sagatlyk iş hepdesi üçin – 150.
Senenamany 2023 dynç günler ýükläp almak üçin