Bütindünýäde maliýe emlägi rekord goýup, geçen ýyla garanyňda 9,7 göterim ýokarlanyp, 192 trillion ýewro ýetdi. Germaniýada ýerleşýän “Allianz” ätiýaçlandyryş kompaniýasy, dünýädäki 57 ýurduň öý hojalygynyň emläginiň we karz ýagdaýyny hasaba alyp, “Allianz Global Emläk” hasabatyny yglan etdi.
Şoňa laýyklykda, global maliýe emlägi geçen ýyl bilen deňeşdirilende 9,7 göterim ýokarlanyp, 192 trillion ýewro ýetdi. Koronawirus pandemiýasynyň dowam edýän döwründe maliýe emläginiň pes bolmagyna garaşylýandygyna garamazdan, 2005-nji ýyldan bäri iň ýokary ösüş diýip hasabatda aýdylýar.
57 ýurdy öz içine alýan hasabatda ABŞ dünýäniň iň baý ýurdy boldy. Hasabata görä, ABŞ-da ýaşaýan bir adamyň ortaça arassa maliýe baýlygy 209 müň 524 ýewro barabar bolup, geçen ýyl bu görkeziji 184 müň 411 ýewro diýlip hasaba alyndy. Hasabatda Şweýsariýa, Singapur, Gollandiýa, Taýwan, Şwesiýa, Ýaponiýa, Daniýa, Kanada we Täze Zelandiýa ABŞ-dan soň ilkinji onluga girdi.
Şweýsariýanyň we Singapuryň adam başyna düşýän arassa baýlyklary degişlilikde 209 müň we 195 müň ýewrodyr. Hasabatda galan sekiz ýurt bolsa 96 müňden 116 müň ýewro aralygynda üýtgeýärdi.
Türkiýede adam başyna düşýän arassa maliýe emlägi 2 müň 414 ýewro barabardyr. Türkiýe bu görkezijiligi bilen sanawda 46-njy ýerde durýar. Geçen ýyl adam başyna düşýän Türkiýäniň arassa maliýe baýlygy 1 müň 953 ýewro bolup, Türkiýe 53 ýurduň içinde 47-nji orny eýeläpdi.
Hasabata görä, adam başyna düşýän arassa maliýe gymmaty 57 müň 100 ýewro bolan Germaniýa iň baý 20 ýurduň sanawynda 18-nji ýeri eýeledi. Sanawyň ahyrynda adam başyna 691 ýewro bilen Pakistan, 757 ýewro bilen bolsa Ukraina döwleti durýar.
Ýaşlarymyzyň iň köp okaýan habarlarynyň arasyndan sport habarlary uly meşhurlyga eýedir. Ýaşlar bu sahypa Siziň üçin!
