Ispaniýanyň futbolynda soňky ýyllarda ýetişen güýçli goragçylaryndan Serhio Ramos 18 ýyldan soňra öz toparyna dolanyp geldi. “Sewilýa” topary Serhio Ramos bilen gysga möhletli şertnama baglaşandygyny mälim etdi.
Ramosyň düzüminde ýetişen topary bilen möwsümiň ahyryna çenli şertnama baglaşdy. 37 ýaşyndaky goragçy erkin futbolçy hökmünde täze toparynyň düzümine goşuldy. Onuň Fransiýanyň “PSŽ” topary bilen bolan şertnamasynyň möhleti tamamlandy.
Ramos “Sewilýa” toparynyň düzüminde ýetişdi. Ol 2005-nji ýylda “Real Madrid” toparyna geçdi. Bu ýerde köp ýyllaryň dowamynda futbol oýnan Ramos 2005-2021-nji ýyllarda “Real Madrid” toparynyň düzüminde oýnady. Ol bu toparyň düzüminde 671 duşuşykda oýnap, 101 gol geçirdi.
2022-2023-nji ýyllarda “PSŽ” toparynyň düzüminde oýnan Ramos Tükriýäniň “Galatasaraý” hem-de Saud Arabystanynyň “Al-Ittihad” toparynyň tekliplerinden ýüz öwürdi.