Birleşen Milletler Guramasynyň (BMG) Baş sekretary Antonio Guterreş dünýä ilatynyň 70 göterimini koronawirus (Covid-19) ýokanjyna garşy sanjym etmek üçin 11 milliard dozanyň zerurdygyny aýtdy.
COVID-19 sanjym hyzmatdaşlygy boýunça halkara forumda eden çykyşynda Guterreş sanjymlaryň gysga wagtda hemmelere we hemme ýere ýetmelidigini aýtdy.
Sanjymyň deň paýlanmagy üçin önümçiligi iki esse köpeltmegiň zerurdygyna ünsi çeken Guterreş muny utgaşdyrmak we durmuşa geçirmek üçin G20 derejesinde gyssagly iş toparynyň zerurdygyny aýtdy.