Dünýä belli suratkeş Pablo Pikassonyň eseri Nýu-Ýorkdaky söwda-satuwynda 103 million dollara satyldy. Bilermenler söwda-satuwyndan öň, ispan suratkeşiniň bu eserine 55 million dollara baha berdiler.
Pablo Pikassonyň “Äpişgäniň öňünde oturan zenan” (“Mariýa-Tereza”) atly eseri “Christie’s” söwda-satuwy edarasynyň gurnan auksionynda satyldy. Bu eser 1932-nji ýylda döredilipdi.
Bu eser üçin iň soňky hödürlenen baha 90 million dollar boldy. Goşmaça tölegler bilen suratyň täze eýesi jemi 103 million dollar tölär.
Mundan ozal, bu eser 2013-nji ýylda satylypdy. Şonda 44,8 million dollara satylypdy. Onuň satuwy Londondaky “Sotheby’s” söwda-satuw öýünde geçirilipdi.
«Messi we Mbappe ýaly beýik oýunçylar bilen oýnadym. Emma …»