Ýitip barýan hajjyklar maşgalasyna degişli hameleon görnüşli jandar 100 ýyldan soňra täzeden peýda boldy. Madagaskar adasyny öwrenýän gözleg topary, soňky gezek bir asyr mundan ozal görülen “Woeltskowa” atly hameleony tutmagy başardylar.
Germaniýadan we Madagaskardan düzülen bilermenler topary, demirgazyk-gündogar Afrika adasynda geçirilen gözleglerde howp abanýan hameleonyň birnäçe nusgasyny tapdylar diýip, “Euronews” habar gullugy habar berýär. Bawariýa döwlet zoologiýa kolleksiýasy topary tarapyndan taýýarlanan we “Salamander” neşirinde çap edilen makalada, genetiki kartasy taýýarlanan bu haýwan “Laborde” atly hameleon diýlip kesgitlenildi. Tapylan bu iki görnüş Madagaskar adasynda diňe ýagyş möwsüminde we birnäçe aý ýaşap bilýärler. Şeýle hem alymlar öň hiç hili ýagdaýda resmileşdirilmedik hameleonyň urkaçysy barada maglumat toplaýarlar we olaryň köpeleşýän döwründe dürli reňkde bolýandygyny belleýärler. Hünärmenler tokaýlaryň azalmagy, bu görnüşli jandarlaryň ýitip gitmegi üçin uly howpdygyny nygtadylar.
Dünýäde bolup geçýän wakalardan habarly bolmak-bu döwrüň talaby!
